ગુજરાતનું બજેટ... એક ઝલક

ગાંધીનગરઃ રાજ્ય નાણા પ્રધાન નીતિન પટેલ હાલ ગુજરાતનું બજેટ રજુ કરી રહ્યા છે. નીતિન પટેલે પાંચમી વાર બજેટ રજુ કર્યું છે. બજેટનો આ દિવસ ભારે હંગામા વાળો રહ્યો હતો, આજે ધારાસભ્ય અલ્પેશ ઠાકોર પ્રશ્નોત્તરી કાળ દરમ્યાન દારૂબંધી અંગે બોલવા માગતા હતા અને વેલમાં ધસી આવ્યા હતા. જેને પગલે અધ્યક્ષે તેમને એક દિવસ માટે સસ્પેન્ડ કર્યા હતા. સાથે જ પ્રશ્નોત્તરીને લઈને અવ્યવસ્થાને મામલે પત્રકારોએ પણ ગૃહની કાર્યવાહીનો બહિષ્કાર કર્યો હતો જોકે ત્યાર બાદ ઉર્જા મંત્રી સૌરભ દલાલએ વચ્ચે આવી સમાધાન કરાવવાની પહેલ કરી હતી.

નીતિન પટેલે બજેટમાં શું આપ્યું

ગુજરાત વર્ષ 2018-19નું અંદાજપત્ર રજુ કરતાં પહેલા ગુજરાતની ગત કામગીરી અંગે નીતિન પટેલે દર્શાવ્યું હતું.

ગત વર્ષે વર્ષ 2017-18માં આવકમાં વૃદ્ધીદર વધ્યો છે

આ વર્ષનું કુલ બજેટ ગત વર્ષના 1,72,000 કરોડથી વધારીને 1,83,666 કરોડ કરાયું

નાણાકિય ખાદ્ય પર અંકુશ રખાયો છે

બજેટ શરૂ થયાની થોડી જ મીનિટોમાં ગૃહમાં હોબાળો

વિસાવદરના ધારાસભ્ય હર્ષદ રિબડિયાને ગૃહમાંથી બહાર કઢાયા

બજેટ દરમ્યાન વિપક્ષનો ભારે હોબાળો

783.02 કરોડની પુરાંત રહેવાનો પ્રાથમિક અંદાજ દર્શાવાયો છે

'ખ' વિભાગમાં વેરા દર્શાવ્યા બાદ પુરાંત સ્પષ્ટ થશે

વર્ષ 2017-18ની વેરાકીય આવકમાં 20.92 ટકા વૃદ્ધી

કૃષિ અને સહકાર વિભાગ માટે 6755 કરોડની ફાળવણી

ખેડૂત અકસ્માત વિમા માટે 1101 કરોડની ફાળવણી

કોલ્ડ સ્ટોરેજ ઊભા કરવા રૂ. 50 કરોડની જોગવાઈ

શાકભાજી અને ફળોમાં પ્રોસેસિંગ સુવિધા માટે ફેડરેશનની સ્થાપના કરવા રૂ.30 કરોડ

કૃષિ શંસોધન માટે રૂ. 702 કરોડ

જમીન સુધારણા માટે રૂ. 548 કરોડની જોગવાઈ

બે નવી વેટરનરી પોલીક્લિનીક શરૂ કરાશે

તમામ જીલ્લામાં કરૂણા એનીમલ એમ્બ્યૂલન્સ સેવા માટે રૂ. 26 કરોડની જોગવાઈ

યુવા રોજગાર અને વ્યવસાય માટે 785 કરોડની ફાળવણી

નવી મુખ્યમંત્રી એપ્રેન્ટીસશીપ યોજના- એક વર્ષ સુધી સ્નાતક યુવાનોને મહિને રૂ.3000 પ્રોત્સાહક રકમ અપાશે

ડિપ્લોમા ધારકને રૂ. 2000 અને અન્યને મહિને રૂ. 1500 અપાશે, કુલ રૂ. 272 કરોડની જોગવાઈ

પશુ ફાર્મની સ્થાપના માટે રૂ.3,00,000ની સહાય

રાજ્યમાં કુલ 5000 પશુ ફાર્મ સ્થાપવા રૂ. 140 કરોડની જોગવાઈ

એપરલ એન્ડ ગરમેન્ટ પોલીસીમાં આગામી 5 વર્ષમાં 1 લાખને રોજગાર

તેમાં પુરુષોને 3200 અને મહિલાઓને 4000નું માસિક વેતન અપાશે

આગામી વર્ષમાં વિવિધ સરકારી વિભાગોમાં નવી 30,000 ભરતીઓ કરાશે

શ્રમ અને રોજગાર વિભાગમાં રૂ.1732 કરોડની જોગવાઈ

રાજ્યમાં 9 નવી આઈટીઆઈ રૂ. 22 કરોડના ખર્ચે સ્થપાશે

શ્રમયોગીઓના આરોગ્યની તપાસ માટે 22 નવા ધન્વંતરી આરોગ્ય રથની સેવા શરૂ કરાશે

જેના માટે રૂ. 18 કરોડની ફાળવણી કરાઈ

શ્રમિક અન્નપુર્ણા યોજનામાં નવા 51 ભોજન કેન્દ્રો શરૂ કરાશે

શિક્ષણ વિભાગ માટે રૂ.27500 કરોડની જોગવાઈ

મધ્યાહન ભોજન યોજના માટે 1081 કરોડની જોગવાઈ

કન્યાઓના ડ્રોપ આઉટ ઘટાડવા રૂ. 69 કરોડની જોગવાઈ

તાલુકા દીઠ 5 શાળા પ્રમાણે રાજ્યની 1250 શાળાઓમાં સાયન્સ સેન્ટર ઊભા કરાશે

દૂધ સંજીવની યોજના મારફતે 29.81 લાખ બાળકોને ફ્લેવર્ડ દૂધ પુરુ પાડવા રૂ. 377 કરોડ

ઉચ્ચ શિક્ષણમાં 3 લાખ વિદ્યાર્થીને ટેબલેટ આપવા રૂ. 150 કરોડ

કોલેજોમાં માળખાકીય સુવિધા વધારવા રૂ. 257 કરોડ

ગુજરાત યુનિ.માં રિસર્ચ પાર્ક સ્થાપવા રૂ. 42 કરોડ

વિદ્યાર્થીઓની રોજગાર લક્ષી કુશળતા વધારવા ફીનીશિંગ સ્કૂલ માટે રૂ. 11 કરોડ

જીટીયુના નવા કેમ્પસ માટે રૂ. 13 કરોડ

મુખ્યમંત્રી યુવા સ્વાવલંબન યોજનામાં રૂ. 907 કરોડની ફાળવણી

જેમાં 140 લાખ વિદ્યાર્થીઓ લાભાર્થી બનશે

આરોગ્ય અને પરિવાર કલ્યાણ માટે 9750.50 કરોડની ફાળવણી

મુખ્યમંત્રી અમૃતમ અને માં વાત્સલ્ય યોજનામાં રૂ.700 કરોડની જોગવાઈ

લાભ લેવા માટે વાર્ષિક આવક મર્યાદામાં રૂ. 2.50 લાખથી વધારી રૂ.3 લાખ કરાઈ

સારવાર માટે ખર્ચ મર્યાદા રૂ. 2 લાખથી વધારી રૂ.3 લાખ કરાઈ

વાર્ષિક રૂ. 6 લાખની આવક ધરાવતા સિનીયર સિટિઝનને પણ આવરી લેવાશે

કિડની, લીવર અને પેન્ક્રીઆઝના પ્રત્યારોપણ માટે સહાય રૂ.2 લાખથી વધારી રૂ.5 લાખ કરાઈ

ની અેન્ડ હીપ રિપ્લેસ્મેન્ટ માટે એક પગના ઓપરેશન દીઠ રૂ. 40 હજારની સહાય

બંને પગ માટે રૂ.80 હજારની સહાય અપાશે

રાજ્યના 3 કરોડ નાગરિકોને આ યોજનાઓનો લાભ મળશે

આરોગ્ય રક્ષક દવાઓ વિના મુલ્યે આપવા રૂ.470 કરોડની જોગવાઈ

તબીબી શિક્ષણ માટે રૂ. 3413 કરોડની જોગવાઈ

સોલા અને ગાંધીનગરની મેડિકલ કોલેજ તથા હોસ્પિટલ્સમાં વિસ્તૃતિ કરણ માટે રૂ. 115 કરોડ

અમદાવાદ સિવિલ હોસ્પિટલમાં રેન બસેરા તથા પીડીયુ હોસ્પિટલ રાજકોટમાં મધર એન્ડ ચાઈલ્ડ હોસ્પિટલ બનાવાશે

અકસ્માતમાં પ્રથમ ગોલ્ડન અવરમાં આકસ્મિક સારવાર માટે રૂ.30 કરોડ

નવજાત શિશુની નાજુક સ્થિતિ માટે નિયોનેટલ એમ્બ્યૂલન્સ સર્વિસ શરૂ કરાશે

108માં 22 કરોડના ખર્ચે 100 નવી એમ્બ્યૂલન્સ લવાશે

અમદાવાદ સિવલમાં ગુજરાત પેરીનેટોલોજી ઈન્સ્ટીટ્યૂટ શરૂ કરાશે

અખંડાનંદ આયુર્વેદ હોસ્પિટલનું નવું બિલ્ડીંગ બનાવવા રૂ.10 કરોડ

યાત્રાધામોમાં આયુર્વેદ ટુરિઝમ માટે વેલનેસ સેન્ટર શરૂ કરાશે

મહિલા અને બાળ વિકાસ માટે રૂ. 3080 કરોડની જોગવાઈ

આંગણવાડીના બાળકોને બે જોડી ગણવેશ આપવાનો નિર્ણય

આંગણવાડીના બાળકો, કિશોરીઓ અને સગર્ભા માતાઓને પોષણક્ષમ આહાર આપવા રૂ.997 કરોડ

93259 આંગણવાડી કાર્યકરો માટે રૂ. 50 હજારના જીવન વિમાનું કવચ

ઉદ્યોગ અને ખાણ વિભાગ માટે રૂ.4410 કરોડની ફાળવણી

1000 પ્લગ એન્ડ પ્રોડ્યૂસ બહુમાળી શેડનું બાંધકામ કરાશે

ધોલેરા સરના વિકાસ માટે રૂ. 280 કરોડ

ગાંધીનગર રેલવે અને શહેરી વિકાસ લી. માટે રૂ.78 કરોડની જોગવાઈ

એમએસએમઈ એકમો માટે સ્ટાર્ટઅપ ફંડ શરૂ કરવા રૂ.50 કરોડની જોગવાઈ

ખાદી ક્ષેત્રને ઉત્તેજન આપવા રૂ.35 કરોડની સહાય સેવા

પ્રવાસન નીતિ માટે રૂ. 9700 કરોડનું રોકાણ ધરાવતી 250 જેટલી પરિયોજનાઓ

મોઢેરાને સૌર ઉર્જા આધારિત આંતરરાષ્ટ્રીય પ્રવાસન સ્થળ બનાવાશે

200 વર્ષ જુના પ્રાચિન યાત્રાધામોના સ્થાપત્યની જાળવણી માટે રૂ. 5 કરોડ

પાવાગઢ અને કરનાળીમાં વિકાસ માટે રૂ. 28.50 કરોડ

તારંગા હીલ અને તારણ માતા મંદિરના વિકાસ માટે રૂ.5 કરોડ

શિવરાત્રી કુંભ મેળો ગીરનાર માટે રૂ.20 કરોડ